Grupi i krijuar nën siglën “Për PD-në”,do të shpallën dy kandidatet për postin e kryetarit. Emrat e propozuara janë ish-kreu i Partisë Demokratike, në Kukës, Ibsen Elezi dhe ish-anëtarja e kryesisë Edith Harxhi.
Panorama mëson se komunikimi i kandidatëve do të shtyhet për nesër për shkak të konferencës për media që pritet të mbajë sot në orën 18:00 ish-kryeministri Sali Berisha, i cili u shpall “non grata” nga DASH
Ndërkohë që Fatbardh Kadilli dhe Lulzim Basha ende nuk e ka depozituar vendimmarrjen për të garuar. As Basha nuk e ka bërë formalisht kërkesën.
Të shtunën përfundon afati për të gjithë kandidatët që synojnë të jenë pjesë e garës për kreun e Partisë Demokratike. Të dielën pritet një mbledhje e kryesisë ndërsa zgjedhjet brenda partisë mbahen më 13 qershor.
Kujtojmë se në datë 18 maj, Partia Demokratike ka hapur zyrtarisht garën për kryetarin e ri të partisë. Me anë të një njoftimi të bërë publik sot nga Komisioni Zgjedhor i Partisë Demokratike, njoftohet se afati për të dorëzuar kërkesën është deri në datë 22 maj. Si u njoftua edhe më herët zgjedhjet do të mbahen më datë 13 qershor.
Çdo kandidat, që plotëson kriteret statutore të vendosura ka të drejtë të paraqesë kërkesën për konkurrim pranë Sekretarisë së Komisionit, në selinë qëndrore të Partisë Demokratike, duke plotësuar Formularin e miratuar me vendim të Komisionit.
