Gazetarja Klodiana Lala ka deklaruar se aplikacioni “Matrix”, i zbuluar nga Europol, është përdorur edhe nga kriminelë shqiptarë.
Ajo theksoi se ky shërbim ka një çmim prej 1300-1600 euro, ose edhe më shumë për abonimet 6 mujore. Lala shtoi se autoritetet holandeze ngritën alarmin dhe konfirmuan se gjuha shqipe ka qenë e pranishme në këtë platformë, megjithëse nuk ka pasur një dominim si në Sky ECC.
“Janë autoritetet holandeze që kanë ngritur alarmin. Patjetër që edhe gjuha shqipe është prezente.
Sigurisht që në Sky Ecc gjuha shqipe ka qenë kryesore, kjo nuk ndodh në Matrix, por ka patur kriminelë shqiptarë që kanë folur në këtë platformë.
Nga Eurojust na u tha se kane suportuar autoritet franceze dhe holandezë sa i përket zbërthimit të aplikacionit Matrix.
Nuk jemi në gjendje për të dhënë detaje në lidhje me përmbajtjen e mesazheve apo profileve të personave që e kanë përdorur këtë aplikacion. Do kemi një përgjigje sa i përket investigimeve për këtë çështje. Ata e pranojnë që ka shqipfolës që e kanë përdorur këtë aplikacion.
Ka një shërbim që shkon nga 1300-1600 euro apo edhe më shumë për abonimet 6 mujore”,u shpreh Lala.
