Policia e Shkodrës ka zbardhur vrasjen e ndodhur një ditë më parë në fshatin Shoshë të Dukagjinit.
Lazër Arraj u gjet i nga të afërmit e tij i pajetë në rrugë, ndërsa ishte qëlluar me armë zjarri.
I dyshuari kryesor sipas ‘Balkanweb’ është 26-vjeçari, Marash Arraj.
Mësohet se autori ishte kushuri me viktimën.
Dyshohet se shkak për vrasjen janë bërë konfliktet e mëparshme mes dy familjeve.
Materialet proceduriale i kaluan Prokurorisë së Shkodrës për veprime të mëtejshme.
Njoftimi:
Shkodër
Zbardhet dhe dokumentohet ngjarja e ndodhur dje, ku mbeti i vrarë me armë zjarri shtetasi L. A.
Arrestohet autori i dyshuar i kësaj ngjarjeje.
Nga strukturat e D. V. P. Shkodër nën drejtimin e Prokurorisë së Rrethit Gjyqësor Shkodër, falë një pune intensive hetimore dhe në bazë të informacioneve të marra në rrugë operative është bërë dokumentimi ligjor dhe arrestimi në flagrancë i autorit të dyshuar, shtetasit:
- A., 26 vjeç, banues në fshatin Shtoj i Ri, Shkodër.
Arrestimi i tij u bë pasi dje më datë 21.10.2019 dyshohet se ka vrarë me armë zjarri shtetasin L. A., në fshatin Palaj, Njësia Administrative Shosh, Shkodër.
Kjo ngjarje dyshohet të ketë ndodhur për konflikte të mëparshme mes familjeve.
Materialet iu referuan Prokurorisë së Rrethit Gjyqësor Shkodër, për veprat penale “Vrasja me paramendim” dhe “Armëmbajtja pa leje”.
