Kryeministria ka zbardhur axhendën e vizitës së kryeministrit kosovar, Avdullah Hoti në Tiranë.Pas takimit me kryeministrin Rama, pritet që të dy liderët të mbajnë një konferencë për shtyp.
Më pas, Hoti do të ndalojë edhe në zyrën e presidentit Ilir Meta, kryeparlamentarit Gramoz Ruçi, kryebashkiakut të Tiranës, Erion Veliaj dhe në fund do të “zbarkojë” në zyrën e kryedemokratit Lulzim Basha.
Kjo është vizita e parë zyrtare e Hotit si kryeministër i Kosovës, pasi u zgjodh nga parlamenti disa javë më parë. Emërimi i tij në krye të kabintetit erdhi pas mocionit të mosbesimit që u votua për qeverinë e Albin Kurtit, disa muaj pas zgjedhjeve parlamentare në Kosovë.
NJOFTIMI
Ditën e premte, datë 3 korrik, ora 10.00, në Pallatin e Brigadave zhvillohet Ceremoniali i Mirëseardhjes për Kryeministrin e Kosovës Avdullah Hoti. (Sinjalin ndryshe nga herët e tjera, për shkak të situatë së pandemisë, do ta merrni pranë pajisjes shpërndarëse të vendosur në Pallat të Brigadave)
Ora 10.10 – Takim ndërmjet dy Kryeministrave; (Kamera dhe fotograf zyrtar)
Ora 10.15 – Takim mes dy delegacioneve; (Kamera dhe fotograf zyrtar)
Ora 11.30 – Konferencë e Përbashkët për Shtyp (Sinjalin ndryshe nga herët e tjera, për shkak të situatë së pandemisë, do ta merrni pranë pajisjes së vendosur në Pallatin e Brigadave)
Ju lutemi dërgoni emrat e gazetarit, teknikëve si dhe targën e makinës së transmetimit live.
Duhet të jeni në Pallat të Brigadave jo më vonë se ora 09.30