Mbledhja e dy qeverive asaj të Kosovës dhe Shqipërisë do të zhvillohet ditën e nesërme në orën 11:30 tek Pallati i Kongreseve.
Takimi do të hapet me fjalën e dy krerëve të qeverive, kryeministrit të Shqipërisë Edi Rama dhe atij të Kosovës Avdullah Hoti.
Më pas anëtarë të ndryshëm të kabineteve do të mbajnë një fjalë të shkurtër ku do të flasin lidhur me çështjet që dy qeveritë do të fokusohen dhe për marrëveshjet që do të nënshkruajnë dy palët. Më pas rreth orës 12:45 pritet të zhvillohet ceremonia e nënshkrimit të marrëveshjeve ndërqeveritare, e vetëm 45 minuta më pas Rama e Hoti do të mbajnë një konferencë të përbashkët për shtyp.
Mbledhja, e cila do të zhvillohet për herë të parë me kryeministër, Avdullah Hotin do të mbyllet rreth orës 13:30 me një foto të përbashkët.
AXHENDA E PLOTË:
11.00– Mbërritja e delegacionit të Republikës së Kosovës përpara Pallatit të Kongreseve
11.15 – Mbërritja e Sh.T. Avdullah Hoti, Kryeministër i Republikës së Kosovës në Bulevardin Dëshmorët e Kombit
11.30– Çelja e sesionit plenar të mbledhjes së dy Qeverive Shqipëri-Kosovë)
Fjalë e Z. Edi Rama, Kryeministër i Shqipërisë
Fjalë e Sh.T. Avdullah Hoti, Kryeministër i Republikës së Kosovës
Fjalë të shkurtra nga anëtarë të dy kabineteve për të parashtruar çështjet kryesore dhe marrëveshjet për nënshkrim
Edi Rama, Kryeministër i Shqipërisë përmbyll sesionin plenar
12.45 – Ceremonia e nënshkrimit të marrëveshjeve ndërqeveritare
13.00– Konferencë e përbashkët për shtyp e dy Kryeministrave
13.30 – Foto e përbashkët
