Shqipëria njohu sot kundërshtarët që do të ketë përballë në kualifikueset e Botërorit 2026.
Kuqezinjtë do të përballen me Anglinë, Serbinë, Letoninë dhe Andorrën, teksa UEFA ka publikuar edhe kalendarin e plotë të Shqipërisë në këtë kompeticion.
Kuqezinjtë do të nisin rrugëtimin e tyre në transfertë ndaj Anglisë. Ndeshja e parë është planifikuar të luhet më 21 mars 2025, në orën 20:45.
Tre ditë më vonë, më 24 mars, Shqipëria do të luajë ndeshjen e parë në shtëpi ndaj Andorrës, gjithashtu në orën 20:45.
Dy ndeshjet e radhës janë planifikuar për qershor 2025. Ndeshja Shqipëri – Serbi do të luhet më 7 qershor, në orën 20:45.
Pas 3 ditësh, më 10 qershor, kuqezinjtë do të udhëtojnë në transfertë për t’u përballur me Letoninë. Takimi do të zhvillohet gjithashtu në orën 20:45.
Në shtator, skuadra kuqezi do të luajë vetëm një ndeshje në shtëpi. Takimi Shqipëri – Letoni është planifikuar për më 9 shtator, në orën 20:45.
Ndërsa në tetor, Shqipëria do të luajë në transfertë kundër Serbisë e cila është planifikuar për më 11 tetor, në orën 20:45.
Shqipëria do të mbyllë rrugëtimin në kualifikueset e Botërorit 2026 në muajin nëntor. Ndeshja Andorrë – Shqipëri do të luhet më 13 nëntor, në orën 20:45.
Ndeshja e fundit e kuqezinjve në kualifikueset do të luhet në stadiumin kombëtar “Arena Kombëtare”. Supersfida Shqipëri – Angli është planifikuar për më 16 nëntor, në orën 20:45.
