Zbardhen diskutimet Ruçi-Kim: Gjykata Kushtetuese dhe e Lartë të bëhen funksionale sa më shpejt!

Google+ Pinterest LinkedIn Tumblr +

Ambasadorja amerikane Yuri Kim mëngjesin e sotëm u takua me kryetarin e Kuvendit, Gramoz Ruçin në Kryesi. Diskutimet e tyre kanë qenë sërish për ngritjen e Gjykatës Kushtetuese si dhe për përfundimin e afatit të Reformës Zgjedhore për votimin e draftit final të dalë nga Këshilli Politik.
Kim dhe Ruçi kanë diskutuar për përshpejtimin e funksionalitetit sa më shpejt të Gjykatës Kushtetuese dhe të Lartë.
Nga ana tjetër Ruçi ka siguruar Kim se Kuvendi është ia angazhuar plotësisht për suksesin e dy reformave, asaj Zgjedhore dhe në Drejtësi.

Njoftimi nga Kuvendi

Kryetari i Kuvendit, z. Gramoz Ruçi, priti Ambasadoren e ShBA, znj. Yuri Kim

Kryetari i Kuvendit, z. Gramoz Ruçi, priti sot Ambasadoren e ShBA, znj. Yuri Kim. Gjatë takimit u diskutua mbi ecurinë e reformës në drejtësi, të reformës zgjedhore dhe përshpejtimin e plotësimit dhe bërjes funksionale sa më shpejt të Gjykatës Kushtetuese dhe Gjykatës së Lartë. Kryetari i Kuvendit, z. Gramoz Ruçi, vuri në dukje se Kuvendi është maksimalisht i angazhuar për  suksesin e reformës në drejtësi, të reformës zgjedhore dhe realizimin e pritshmërive të qytetarëve shqiptarë, si kushte thelbësore për të nxitur e mbështetur progresin e Shqipërisë, konsolidimin e demokracisë dhe zhvillimin e vendit.

Shpërndaje
Share.

Komento