Ambasadorja amerikane në Shqipëri, Yuri Kim tha para gazetarëve ditën e sotme se ka ardhur koha që të mos ketë më lojëra, por të realizohet Reforma në Zgjedhore dhe të përmbyllet Reforma në Drejtësi.
Sot pritet të zbardhet edhe vendimi për Luan Dacin, ndaj edhe ambasadorja e SHBA-ve ka thënë se mesazhi i saj është shumë i qartë.
Sipas Kim, edhe SHBA-të duan atë që do edhe populli shqiptar.
Ajo u shpreh ndër të tjera se Shqipëria nuk mund të jetë aleate e fortë e SHBA-ve dhe pejsë e BE-së nëse nuk çohet përpara reforma zgjedhore.
“Mesazhi im është shumë i qartë. SHBA duan të njëjtën gjë që populli shqiptar do.
Duam që Shqipëria të jetë aleat i fortë, i aftë i SHBA dhe të jetë pjesë e familjes evropiane.
Ju nuk mund ta keni këtë pa reformë zgjedhore, ju nuk mund ta keni këtë pa reformë në Drejtësi.
Këto të dyja s’janë pazare, por domosdoshmëri. Është koha të realizohen, jo për lojëra.
Është koha të realizohet reforma në Drejtësi dhe ajo zgjedhorja.
Është koha që liderët të mbajnë fjalën para shqiptarëve. Kjo është ajo që shqiptarët dhe SHBA-të presin prej tyre,”u shpreh Yuri Kim.
