Xhandarmëria serbe futet në territorin e Kosovës, reagon policia:”Është lajmëruar KFOR-i”

Google+ Pinterest LinkedIn Tumblr +

Policia e Kosovës ka reaguar pas publikimit të disa pamjeve  ku shihet xhandarmëria serbe duke hyrë në territorin e Republikës së Kosovës.

Policia ka thënë se pas lajmit se njësitë ishin futur në territorin kosovar, policia ka shkuar atje por nuk ka gjetur asnjë njesi serbe dhe për këtë gjë ka nisur kontrollet dhe ka lajmëruar KFOR-in pasi ky i fundit ka ende mandatin e sigurisë së Kosovës.

Pas raportimit të një informacioni nga Karaçeva e Kamenicës, njësitet policore kufitare kanë reaguar menjëherë duke shkuar dhe patrulluar tek vendi ku është raportuar rasti. Njësitet policore nuk kanë hasur në atë lokacion ndonjë njësi apo siç është informuar për ushtri të Serbisë. Njësitet policore kanë bërë shikimin e vendit sipas koordinatave si dhe kanë bërë patrullime dhe vëzhgime në atë zonë. Po ashtu është njoftuar edhe KFOR-i, pasi që mandatin e sigurisë së zonës së kufirit me Serbinë, ende e ka KFOR-i”. 

Këto pamje qarkulluan menjëherë në rrjete sociale dhe qyetarët u shprehën se diçka e tillë prek sovranitetietin dhe territorin e Kosovës.Rreth kësaj ngjarjeje ka reaguar edhe deputeti i Lëvizjes Vetëvendosje, Mefail Bajqinovci.

Ai u  shpreh se institucionet e sigurisë së Kosovës, duhet të veprojnë urgjentisht për të mbrojtur qytetarët, sovranitetin dhe integritetin territorial të Kosovës

Sot rreth orës 17:00, xhandarmëria serbe është futur rreth 1 km në brendësi të territorit të Kosovës, konkretisht në fshatin Karaçevë,Komuna e Kamenicës.
Kamerat e sigurisë kanë kapur 11 pjesëtarë të uniformuar dhe të armatosur që kanë kaluar nëpër parkingun e Restaurant “Oxygen” që është pronë e Adhurim Krasniqit.
Institucionet e sigurisë së Kosovës, duhet të veprojnē urgjentisht për të mbrojtur qytetarët, sovranitetin dhe integritetin territorial të Kosovës.
Për herë të parë xhandarmëria serbe patrullon lirshêm në lagje të Karaçevës.
Pamjet janë marrë nga restorani “Oksigjen” në Karaçevê.

Shpërndaje
Share.

Komento