Presidenti i Serbisë, Aleksandar Vuçiç, ka reaguar me një deklaratë të fortë ndaj presidentit të Malit të Zi, Milo Gjukanoviq, duke thënë se Serbia nuk ka aspirata ndaj Malit të Zi. Por gjithashtu kreu i shtetit serb ka shtuar duke i thënë presidentit të Malit të Zi se “do ta vazhdojë pastrimin”.
Duke komentuar deklaratën e presidentit malazez për aspiratat dhe përpjekjet e Serbisë për ta nënshtruar Malin e Zi, Vuçiç tha se Serbia dëshiron marrëdhënie të mira me Malin e Zi dhe se ai nuk do të lejojë që Gjukanoviqi ta sundojë Serbinë siç kanë bërë për 30 vjet, pasi e kanë sunduar më parë në të gjitha mënyrat e mundshme si krimi, policia, potika etj.
Reagimi i plotë i Presidentit Vuçiç:
“Ne nuk kemi ndërmend ta nënshtrojmë askënd. Por, unë po i them atij se as ju e as askush tjetër nuk do të jeni në gjendje ta sundoni Serbinë, siç keni bërë për 30 vjet. Ju e keni sunduar këtë vend në të gjitha mënyrat e mundshme, përmes krimit, zyrtarëve të policisë, zyrtarëve politikë, atyre në strukturat e inteligjencës”, tha Vuçiç.
“Ne i kemi fshirë ata që punuan kundër Serbisë. Ka më shumë, por ata janë mbetje. Ne do ta vazhdojmë pastrimin. Ju nuk do ta pushtoni Serbinë siç e pushtuat”, deklaroi Vuçiç.
