Presidenti i Serbisë, Aleksandar Vuçiç, nuk mendon se kur të shkojë në Bruksel në takim me kryeministrin e Kosovës, Albin Kurti, do të ketë ultimatum për ta njohur Kosovën. Vuçiç ka deklaruar se nëse kryeministri i Kosovës, Albin Kurti, mendon se nuk do të bisedojë për Asociacionin e Komunave me shumicë serbe, por që Republika e Kosovës do të pranohet nga Serbia…
“Këto nuk janë ditë të lehta për popullin serb, unë së pari informova miqtë tanë nga Republika Srpska për situatën në Kosovë dhe faktin se duket se është e lejuar të thuhet gjithçka kundër Serbisë dhe popullit serb, si dhe se nuk reagon askush nga ata që do të duhet, madje as kur Kurti thotë se nuk do ta formojnë Asociacionin e Komunave Serbe, të cilën ata e nënshkruan.
Reagimi ynë do të jetë shumë i fuqishëm në lidhje me mosrespektimin e marrëveshjeve ligjore ndërkombëtare, të nënshkruara nën përkujdesjen e BE-së, sepse është në rregull të jeni tolerant dhe të tregosh një dëshirë për kompromis, por kur dikush të mbështet për muri, pavarësisht nga dëshira për zgjidhje kompromisi, e shihni që dikush nuk e dëshiron këtë, atëherë ju duhet të tregoni mprehtësinë dhe forcën për të thënë se nuk bën më kështu.
Në qoftë se ai mendon të mos flitet për Asociacionin e Komunave Serbe, por për Republikën e Kosovës, diçka që ne nuk e pranojmë, nuk duhet të vijë [Kurti]. Dhe nëse dikush këtë e pret nga unë, nuk kanë nevojë të më thërrasin. Ndërsa, të flasim për gjithçka, për personat e pagjetur, nuk e kam problem”, tha Vuçiç.
