Në Berat është shënuar një tjetër rast me COVID-19.
Një 16-vjeçare nga fshati Kostren ka dalë pozitive në testet e kryera gjatë 24 orëve të fundit.
Mësohet se adoleshentja 3 ditë më parë kishte shfaqur lodhje trupore dhe temperaturë.
Nisur nga këto simptoma, prindërit e dërguan në spitalin e Beratit, ku më pas u fut në repartin e karantinës.
Vajza qëndroi dy orë në spital dhe pas ekzaminimit dhe tamponit, autoritetet shëndetësore i kanë rekomanduar që të mos lëvizë nga banesa deri në përgjigjen e analizës.
Menjëherë pas përgjigjes, epidemiologët janë nisur drejt banesës së saj, ku i janë marrë tamponët familjarëve.
Sipas mjekëve, vajza vuante prej vitesh nga bajamet kronike, për të cilat merrte edhe mjekime.
Ajo nuk ka pasur histori kontakti me persona të ardhur nga jashtë dhe nuk dihet sesi e ka marrë virusin.
Punonjësit e drejtorisë së shërbimit në Bashkinë e Beratit kanë nisur dezinfektimin e banesës së adoleshentes.
Ky rast e çon në 2 numri e të prekurve në Berat, ku rasti i parë ishte një 44-vjeçare nga fshati Roshnik, e cila kishte udhëtuar nga Tirana.
