Prokuroria e Gjirokastrës ka nisur procedim penal ndaj nënës së Kostandinos Kacifas.
Lajmin e ka dhënë gazetari Artan Hoxha, nëpërmjet një postimi në rrjetet sociale.
Vasilia Kacifa gjatë ceremonisë për 1 vjetorin e Kacifas bëri thirrje për luftë, ndërsa e quajti vorio-epirin tokë greke.
“Tradhtarët. Përse i ndaluan njerëzit të vijnë? Se janë tradhtarë. Thyejuni turinjtë, vrajini, shfarosini. Janë tradhtarë. Nuk ka qeveri këtu. Vorio Epiri është tokë greke, ne jemi grekë. Do luftojmë dhe asgjë nuk do na ndalë. Jam krenare për ty biri im, trimi i nënës”, tha nëna e Kacifas.
Hoxha bën me dije se ka filluar procedim penal edhe për ish-kreun e OMONIA-s, i cili pengoi gazetarët shqiptarë, ndërsa bëri edhe thirrje antishqiptare.
Kujtojmë këtu se Kostandinos Kacifas u vra tetorin e kaluar gjatë një shkëmbimi zjarri me forcat RENEA.
Më parë ai kishte qëlluar në ajër duke terrorizuar banorët e Bularatit, si dhe kishte qëlluar furgonin e policisë.
