Një ngjarje e rëndë ka tronditur kryeqytetin mbrëmjen e djeshme. Një 18-vjeçar i identifikuar me emrin Aurelio Dervishi është qëlluar me thikë për vdekje. Ngjarja ka ndodhur në zonën e Shkozës, dhe dyshohet se shkak është bërë një sherr mes dy grupe të rinjsh. Dervishi u qëllua dy herë me thikë, ndërsa ndërroi jetën në vendngjarje si pasojë e plagëve të marra. Në ngjarje dyshohet se kanë qenë të përfshirë 5 persona.
Burime bëjnë me dije se Dervishi dhe autorët janë konfliktuar disa ditë më parë mes tyre, dhe mbrëmjen e djeshme i kanë bërë pritë makinës me të cilën udhëtonte viktima. Nga të dhënat paraprake, mësohet se autorët e vrasjes i kanë bërë shenjë makinës ku lëvizte viktima, Aurelio Dervishi, si pasagjer që të ndalonte, por shoferi nuk është bindur. Më pas ata kanë zbritur nga mjetet dhe janë përplasur fizikisht, duke qëlluar dy herë me thikë në gjoks 18-vjeçarin.
Më pas të rinjtë dyshohet se janë larguar në drejtim të Unazës Lindore me një mjet tip ‘Tiguan’, ndërkohë që ende nuk janë vënë në prangat e policisë, pavarësisht ngritjes së postoblloqeve
