Vrasja e grave nga bashkëshortët duket se është duke u kthyer në një trend të tmerrshëm dhe vrasja e fundit është shënuar vetëm dy ditë më parë.
Alket Arapaj ka vrarë gruan e tij me armën e shërbimit pasi ishte xheloz për të, mirëpo edhe vet gardisti është duke e vuajtur këtë fakt, aq sa ditën e sotme ka tentuar të vrasë veten në ambientet e paraburgimit në Policinë e Tiranës.
Nga ajo çfarë bëhet publike deri më tani nga policia, mësohet se Arapaj sa herë ka dyshuar aq herë e ka ndryshuar dëshminë, gjë që do të thotë se ai ka dhënë dëshmi kontradiktore rreth ngjarjes dhe motiveve të saj.
Deri më tani, gardisti nuk ka shprehur pendesë për aktin e bërë, por vetëm për vajzën e vogël vetëm tre vjeçe,e cila sot është komplet e vetme dhe pa mbështetje.
Sipas Arapajt gjendja ka shkuar deri këtu sepse ai ishte xheloz për bashkëshorten dhe ky ka qenë shkak për shumë mosmarrëveshje mes tyre. Për më tepër, Ervilma Seferi, i ka kërkuar edhe divorcin pak muaj më parë, gjë që gardisti nuk e kishte pranuar kurrsesi.
