Të martën kryeqyteti u trondit nga një ngjarje e rëndë, ku Arsen Meskurti vrau vëllanë dhe kunatën e tij.
Ndërkohë që autori i krimit të dyfishtë ka dalë sot para gjykatës ku iu komunikua masa e sigurisë ‘arrest me burg’. Autori shfaqet për herë të parë në publik pas ngjarjes makabre në videot e publikuara nga “Balllkan Web”.
Autori eshte dukur i qete ne pritje se nisjes se seances, ku madje ka pershendetur gazetaret me dore.
“Kam bërë shtatë kallëzime për vëllanë dhe kunatën. Armën e kam patur me leje. Kallëzimin e fundit e kam bërë ditën e vrasjes”, tha autori i vrasjes së Dritan dhe Nora Meskurtit.
Duke u justifikuar për aktin e tij makabër, 38-vjeçari tha se e kreu krimin pasi ata e shantazhonin. “Me shantazhonin dhe mbrojtjen e bëra për këtë arsye”, pohoi në gjykatë autori.
Kujtojmë se ngjarja që tronditi mbarë opinionin publik ndodhi pasditen e 30 gushtit në afërsi të Rrugës së Kavajës. 38-vjeçari pas shumë konfliktesh për çështjes pronësie me të vëllanë dhe një shumë prej 17 milionë lekësh që ky i kishte viktimës, shkoi në agjencinë turistike të 44-vjeçarit dhe e vrau bashkë me të shoqen. Pas krimit, autori tentoi të arratisej, ndërsa u kap 2 orë më pas, në prani të bashkëshortes së tij dhe të një prej 7 fëmijëve.
