Një ngjarje e rëndë u regjistrua mbrëmjen e djeshme në fshatin Labovë në Gjirokastër, ku një person mbeti i vrarë.
Janaq Koleta u arrestua pas vrasjes së fqinjit të tij Andrea Xhavarra.
Ky i fundit u godit për vdekje me mjete të forta për motive banale.
Janaq Koleta u arrestua disa minuta pas ngjarjes së rëndë ku mbeti i pajetë fqinji i tij 60-vjeçari Andrea Xhavarra.
Sipas “Dosja.al”, sherri ka ndodhur për një pelë.
Detaje të reja mësohen nga rrëfimi i autorit të ngjarjes në polici.
“Nuk doja ta vrisja u zumë pasi kishte humbur pela, Andrea mohoi të kishte lidhje me pelën time”, ka thënë Koleta.
Më tej ai ka treguar se si ka ndodhur ngjarja dhe është shprehur se viktimën e ka shtyrë dhe e ka përplasur në një shtyllë druri.
Aty ka parë që i ka dalë shumë gjak dhe ka ikur me vrap pasi e ka kapur paniku.
“Kur e qëllova u rrëzua tek një shtyllë druri e u dëmtua në kokë.
Aty pashë që po i dilte shumë gjak.
U panikosa dhe dhe u largova me vrap.
Nuk e di se ku më çonin këmbët. Nuk doja ta vrisja, e kam qëlluar për ta trembur”, ka thënë më tej ai në dëshminë e tij.
Në fundit Koleta tha ka thënë se meriton të dënohet dhe se vitet e mbetura ti kalojë në burg.
Tashmë autori është në gjendje të rënduar psikologjike dhe është penduar për krimin e rëndë.
Lidhur me këtë ngjarje, policia ka shoqëruar në polici edhe familjarët e autorit dhe viktimës.
