Gjykata e Lezhës ka dënuar me burgim te përjetshëm, Besnik Pjetrin (Perdeda), i cili akuzohet se vrau ish-vjehrrin dhe ish-kunatin. Ngjarja ndodhi në muajin gusht të vitit 2022 në fshatin Gryke Zeze të Lezhës. Pjetri u gjet fajtor për veprën penale të vrasjes dhe armëmbajtje pa leje.
Si ndodhi ngjarja?
Pjetri, ish-dhëndri i familjes shkoi në banesën e Pjerin Përjakut dhe qëlloi me armë atë dhe djalin e tij, duke i lënë të vdekur. Ngjarja e rëndë dyshohet se ndodhi pas konflikteve familjare, ndërsa autori ishte divorcuar me bashkëshorten para 6 vitesh. Ndërkohë, dy viktimat ishin kthyer një ditë para ngjarjes nga Italia.
Autori dhe ish-bashkëshortja kanë jetuar ne Itali, pas divorcit kanë qëndruar në vendet e BE-se dhe prej pak kohesh ishte kthyer ne Shqipëri. Sakaq bëhet me dije se ish-gruaja e kishte denoncuar për dhunë në Itali, ku edhe ka bërë 2 vite burg.
