Apeli për Krimet e Rënda la në fuqi vendimin me 21 vite burg për Selman Aliajn, i cili akuzohet se ka vrarë babanë e tij.
Selman Aliaj, pasi masakroi me çekiç të atin, ia hodhi trupin në liqenin e Farkës, ngjarje kjo e regjistruar në dhjetor të 2017-ës, shkruan “Faxweb”.
Gjatë seancës së 3 marsit të 2019-ës, prokurori i dosjes bëri me dije se 28-vjeçari ka probleme me dëgjimin dhe me të folurën.
Më tej ai shtoi se vrasja ka ndodhur për shkaqe morale.
Në dëshminë e tij, i pandehuri ka thënë se i ati, Fejzi Aliaj, i kshte kërkuar që pasi të martohet, të ndajnë së bashku intimitetet me nusen.
Fejzi Aliaj ishte pa bashkëshorte dhe ishte divorcuar disa herë për shkak të natyrës konfliktuale.
I riu ndër të tjera ka rrëfyer se jeta e tij nuk ka qenë e lehtë, pasi i ati e dhunonte fizikisht dhe merrte çdo vendim për të, shto këtu edhe fejesën pa dëshirën e tij.
