Një 37-vjeçar me profesion ish-ushtarak, ka vrarë ditën esotme në oborrin e shtëpisë së tij një 61-vjeçar i identifikuar si Dorian Latollari.
37-vjeçari i identifikuar si shtetasi Fatmir Demiri banues në Tiranë, mësohet se pas konflikteve për arsye pronësie, ka goditur me sende të forta duke i shkaktuar vdekjen 61-vjeçarit.
Ish-ushtaraku ishte dënuar edhe më parë për Dezertim nga shërbimi Ushtarak.
Njoftimi i Policisë:
Tiranë
Ndalohet një 37-vjeçar, për veprën penale “Vrasja”.
37-vjeçari i dënuar më parë për Dezertim nga shërbimi Ushtarak.
Shërbimet e Komisariatit të Policisë Nr.3, me marrjen e njoftimit se në rrugën “Haxhi Hysen Dalliu”, në oborrin e banesës shtetasi D.L., 61 vjeç, ishte gjetur pa shenja jete, menjëherë kanë organizuar punën për zbardhjen dhe dokumentimin e plotë të rrethanave të ngjarjes.
Specialistët për Hetimin e Krimit në Komisariatin e Policisë Nr.3, nën drejtimin e Prokurorisë, pas një pune të mirorganizuar dhe hetimeve instensive bënë të mundur zbulimin e ngjarjes, dhe kapjen e autorit të dyshuar shtetasin F.D., 37 vjeç, banues në Tiranë.
37-vjeçari e ka pranuar autorsinë dhe është shprehur se për disa konflikte të meparshme, dyshohet për konflikte pronësie, me vetëpërgjegjësi ka goditur me sende të forta duke i shkaktuar vdekjen shtetasit D.L.
Materialet do t’i referohen Prokurorisë së Rrethit Gjyqësor Tiranë, për veprime të metejshme hetimore.
