Një konflikt për një vend parkimi ka përfunduar në tragjedi pasditen e sotme në Kavajë, ku një 47-vjeçar ka humbur jetën pasi u godit me thikë në zemër.
Sipas informacioneve paraprake, viktima, Skender Vrapi, kishte shkuar për vizitë te xhaxhai i tij dhe kishte parkuar automjetin para banesës së 47-vjeçarit Landi Puja. Ky i fundit ka dalë nga banesa dhe i ka kërkuar që të largojë makinën nga vendi ku ishte parkuar.
Debati për parkimin ka degjeneruar në konflikt verbal mes dy burrave. Gjatë përplasjes, viktima dyshohet se i është përgjigjur në mënyrë të ashpër autorit. Në vijim të konfliktit, Roland Puja ka nxjerrë një mjet prerës, e ka ndjekur viktimën dhe e ka goditur dy herë në pjesën e zemrës.
Si pasojë e plagëve të marra, 47-vjeçari ka ndërruar jetë.
Menjëherë pas ngjarjes, shërbimet e Policisë janë vënë në ndjekje të autorit të dyshuar dhe po punojnë për kapjen e tij. Sipas të dhënave paraprake, ai rezulton person me precedent të mëparshëm kriminal.
