Një ngjarje e rëndë tronditi diten e djeshme fshatin Dojan të Tropojës, ku një konflikt mes dy miqve përfundoi me vrasje.
Flordian Mulaj, 35 vjeç, qëlloi me armë zjarri dhe vrau në vend 43-vjeçarin Artur Dauti.
Sipas burimeve, dy shokët po konsumonin alkool në një lokal të fshatit kur konflikti mes tyre degjeneroi në dhunë. Pas një debati të ashpër, Mulaj është ngritur, ka shkuar në shtëpi për të marrë armën dhe është rikthyer për të qëlluar mbi mikun e tij.
Motivi i sherrit mbetet i paqartë, por dyshohet se ka qenë për arsye banale.
Policia ka bërë të ditur se ngjarja ndodhi rreth orës 13:40, ndërsa forcat operacionale dhe grupi hetimor janë angazhuar për lokalizimin dhe kapjen e autorit, i cili ndodhet në arrati.
Grupi hetimor, nën drejtimin e Prokurorisë, po vijon punën për zbardhjen e plotë të rrethanave të kësaj tragjedie.
