Një ngjarje e rëndë tronditi mesditën e sotme kryeqytetin ku ish-vjehrri vrau me armë zjarri ish-dhëndërin para Gjykatës së Tiranës. Policia e Tiranës ka publikuar njoftimin zyrtar për arrestimin e Dhurata Saliajt, gruas së Kudret Saliajt që u vra sot nga babai i saj, Mexhit Picari. Në njoftim thuhet se e reja, 33-vjeç, akuzohet për bashkëpunim në vrasjen e Kudret Saliajt, ngjarje ku mbeti i plagosur edhe avokati Adriatik Cama.
Dhurata Saliaj akuzohet për veprat penale:“Vrasja e funksionarëve publikë” e kryer në bashkëpunim e mbetur në tentativë, ”Vrasja për shkak të marrëdhënieve familjare” e kryer në bashkëpunim, ”Vrasja në rrethana cilësuese” e kryer në bashkëpunim” dhe “Armëmbajtja pa leje”.
Blutë e kryeqytetit theksojnë se 33-vjeçarja Dhurata Saliaj akuzohet si bashkëpunëtore në vrasjen e Saliajt.
Njoftimi i policisë:
Vihet në pranga bashkëpuntorja e autorit të vrasjes së shtetasit K. S. dhe të plagosjes së shtetasit A. C.
Në vijim të informacionit të dhënë më parë për kapjen dhe arrestimin e autorit të ngjarjes, shtetasi Mexhit Picari, Specialistët për Hetimin e Krimeve të Rënda ndaj Jetës në vazhdimësi të hetimeve të kryera nga grupi hetimor bënë të mundur arrestimin e shtetases:
DH. S., 33 vjeçe, banuese në Tiranë.
Shtetasi M. P., 53 vjeç, i arrestuar po sot nga Policia dyshohet se në bashkëpunim me shtetasen DH. S, ( vajzën e tij) janë autorë e ngjarjes se ndodhur, ku mbeti i vrarë me armë zjarri shtetasi K. S. (ish-bashkëshorti i shtetases Dh.S) dhe si pasojë e të shtënave mbeti i plagosur dhe shtetasi A. C., i cili ndodhet jashtë rrezikut për jetën.
Materialet iu referuan Prokurorisë, për veprime të mëtejshme, për veprat penale “Vrasja e funksionarëve publikë” e kryer në bashkëpunim e mbetur në tentativë, ”Vrasja për shkak të marrëdhënieve familjare” e kryer në bashkëpunim, ”Vrasja në rrethana cilësuese” e kryer në bashkëpunim” dhe “Armëmbajtja pa leje”.
