Gjykata e Shkallës së Parë të Rrethit Gjyqësor Fier ka vendosur masën e sigurisë “arrest me burg” për autorin e vrasjes së dyfishtë në Kurjan të Roskovecit, Altin Kukaj, dhe tre bashkëpunëtorët e tij. Gjykata e Fierit caktoi masën “arrest me burg” për Altin Kukaj, dy djemte e tij, Emaurisio dhe Ervis Kukaj, si dhe Tomorr Zykën, i cili strehoi të rinjtë, pas vrasjes sq Lavdimir dhe Gramoz Kurtaj. Në një seancë maratonë, Gjyqtarja Gladiola Bregu shqyrtoi dosjen e prokurorisë, detaje të së cilës janë konsideruar sekret hetimor.
E gjithë seanca është zhvilluar nën masa të rrepta sigurie nga ana e policisë, ndërsa familjarë të palës akuzuese kanë qëndruar jashtë godinës së gjykatës në distancë.
Tre ditë më parë, Altin Kukaj, së bashku me djemtë e tij, Ervis dhe Emauris Kukaj, të tre banues në Fier, dyshohet se në bashkëpunim me njëri-tjetrin, kanë vrarë me armë zjarri automatik dy shtetasit Lavdrim Kurtaj, 46 vjeç dhe Gramoz Kurtaj, 52 vjeç, për motive të dobëta, ngjarje e ndodhur në fshatin Kurjan të Roskovecit.
