23-vjeçari Xhimi Bakaj ka humbur jetën këtë të premte, pasi u qëllua me thikë nga 39-vjeçari Xhuliano Miho në rrugën “Ramiz Aranitasi” në Fier. Shkak për vrasjen e të riut dyshohet se është bërë divorci mes autorit dhe bashkëshortes me të cilën ka dy fëmijë.
Mësohet se gruaja kishte disa muaj që ishte larguar nga banesa dhe bashkëjetonte me 23-vjeçarin. Ndërkohë autori e ka takuar në rrugë viktimën dhe pas një debati e ka qëlluar tri herë me thikë. Policia njoftoi se pas ngjarjes, 39-vjeçari është arrestuar.
