Biznesmeni Ervin Mata, kërkon të japë shpjegime për ngjarjen që ndodhi në Bllok në 4 tetor të vitit të kaluar, ku një person mbeti i vrarë dhe dy të tjerë u plagosën.
Ai i është drejtuar prokurorinë se Tiranës, me një memo, përmes të cilës bën të ditur kërkesën e tij.
Avokati mbrojtës, Alban Bengasi, i dorëzoi memon dy prokurorëve të çështjes, pasi biznesmeni Mata, ndaj të cilit rëndon akuza e vrasjes kryer në bashkëpunim, nuk ka dhënë deri më tani shpjegime për ngjarjen.
Burime nga prokuroria thanë se e kanë administruar kërkesën e Matës dhe javën e ardhshme ai do të thirret për të dhënë versionin e tij për krimin, ku viktimë mbeti Fabian Gaxha, dhe u plagosën biznesmeni Ervis Martinaj e miku i tij Elio Hato.
Ervin Mata, i fejuari i këngëtares Elvana Gjata, u lirua nga gjykata vetëm nën masën e detyrimit të paraqitjes.
Vendimi i shkallës së parë është apeluar nga Prokuroria, e cila kërkon kthimin në burg të biznesmenit.
