Një ngjarje e rëndë ndodhi mbrëmjen e sotme në Astir.
Një 28-vjeçar i identifikuar si Vilson Tafçiu është qëlluar për vdekje në rrugën “Teodor Keko”.
Së fundmi, është zbardhur edhe dinamika e ngjarjes.
Tafçiu ka qenë në një lokal i shoqëruar nga dy femra.
Më pas, një veturë tip ‘Golf 6’ ka shkuar pranë lokalit, ku ndodhej viktima dhe e kanë thirrur në emër.
28-vjeçari pasi ka dëgjuar emrin është çuar nga tavolina e ka dalë jashtë.
Ai u qëllua me breshëri plumbash, ku si pasojë gjeti vdekjen e menjëhershme.
Po ashtu, një detaj ka dalë në dritë rreth viktimës.
Ndonëse ai është identifikuar me mbiemrin Tafçiu, ai përdorte edhe mbiemrin Ndoka.
Policia ndodhet në vendngjarje dhe ka rrethuar një perimetër të gjerë të zonës ky ndodhi vrasja.
