Kanë kaluar më shumë se 6 muaj nga ngjarja tronditëse që ndodhi në Greqi ku u vra një 20-vjeçare nga bashkëshorti i saj.
Një dëshmi e re tronditëse është publikuar në mediat greke ku thuhet se Babis Anagnostopoulos, dy javë para se të vriste Caroline, i ka dërguar një shënim ish-të dashurës së tij ku i kërkonte ta takonte nga afër.
Ish e dashura ka rrëfyer se me Babis ka pasur një lidhje 1 vjeçare ne vitet 2015-2016. Gruaja, e cila pas vrasjes në Glyka Nera vendosi të largohej nga Athina dhe të transferohej në një qytet tjetër në Greqi, foli për një njeri obsesiv dhe pretendon se ai bëri gjithçka për t’u ndarë nga burri i saj.
“Me Babis kam pasur vërtet një lidhje e cila ka qenë e vitit 2015 dhe ka përfunduar në qershor të 2016. Ai ishte shumë i inatosur me mua sepse mendonte se do t’i jepja fund martesës për të qenë bashkë. Nuk e kisha menduar kurrë ta bëja këtë…nga mënyra se si ai më afrohej me këmbënguljen e tij. Nga mesazhe të ndryshme duket se ai po përpiqej të më shihte. Të gjitha këto shënime të shkruara me dorë, por edhe faqe që ka shkruar i kam mbajtur në kompjuter. Dikush po i shkruante burrit tim për këtë marrëdhënie. Jam i sigurt se Babis i ka dërguar në përpjekje për të më ndarë,” thekson ajo.
Ish e dashura tha se i kishte bërë presion që ta takonte nga afër së fundmi para vrasjes:
“Në gjashtë muajt e fundit, shënimet kishin filluar sërish. Ai kishte një obsesion që më trembte dhe përpiqesha të kisha një marrëdhënie të mirë me të nga larg për të mos inatosur. Ai kishte dërguar shënimin e fundit dy javë para se të vriste gruan e tij dhe kërkoi të takohej me mua. E di që Caroline i ka ditur të gjitha këto për një kohë të gjatë. Më tha vetë Babis.Kur vuri skenën vite më parë për të më bërë të ndahesha, kuptova se nuk po shkonte mirë dhe se nuk kishte kufij. Atëherë e kuptova, por deri në atë pikë sa të bënte vrasje?”.
Ndërkohë miku i Babis Anagnostopoulos ka rrëfyer sekretet e jetës së autorit të krimit, duke thënë se piloti kishte një lidhje paralele.
Ai edhe për foli për martesën e mikut të tij me Carolinën, por edhe për fundin tragjik të saj. “Gjithçka i ndodhi Caroline krejt papritur. Ai u martua me të në Portugali. Askush nuk dinte asgjë.
“Pyes veten nëse ai nuk donte të linte shumë hapësirë për shkak të gruas tjetër dhe bënte gjithçka fshehurazi. Ajo tjetra u befasua sepse e mësoi lajmin nga mediat sociale” shtoi ai. “Babisi është një fëmijë i papjekur, joserioz, kaq”, deklaroi ai.
Kujtomë që Babis Anagnostopoulos fillimisht akuzoi shqiptarët për vrasjen, por më pas hetuesit me provat e mbledhura e bënë që të pranojë autorësinë e krimit.
