Policia greke, ka shpallur në kërkim një shqiptar, i cili dyshohet se ka vrarë në mënyrë makabre dy të moshuar në ishullin e Kretës në Greqi.
Mediat helene, kanë bërë me dije se çifti i moshuar respektivisht 82 dhe 79 vjeç, janë gjetur të pajetë në 2 banesa të ndryshme.
Sipas Policisë greke, mësohet se fillimisht është gjetur gruaja gruaja 79-vjeçare në banesën e saj në zonën e Pasakaki të Chanias. Kërkimi për të nisi pas shqetësimit të vajzës së saj e cila tha se mamaja e saj nuk po i hapte telefonin.
E moshuara u gjet pa shenja jete, ku sipas hetimit të policisë, një person e kishte mbytur atë me shami.
Ndërkohë edhe në shtëpinë pranë banesës ku ishte e moshuara, u gjet i pajetë edhe bashkëshorti i saj 82-vjeçar, trupi i të cilit u gjet brenda një valixheje.
Autoritetet greke kanë bërë me dije me shqetësim se po vijojnë kërkimet për kapjen e shqiptarit, identiteti i të cilit nuk bëhet i ditur./GazetaReforma.com/
