Lideri koreanoverior, Kim Jong-un, ka bërë një kërkim ndjese të rrallë për vrasjen e një zyrtari të Koresë Jugore, është thënë në njoftimin e Zyrës Presidenciale Jugkoreane.
Kim është raportuar t’i ketë thënë homologut të tij Jugkorean, Moon Jae-in se incidenti nuk do të duhej të ndodhte, transmeton BBC.
Koreja Jugore ka thënë se 47-vjeçari dyshohet se ka qenë duke tentuar që të ikë nga Koreja Veriore kur është gjetur nga trupat, në ujërat e verikorean.
Ai më pas është qëlluar për vdekje dhe trupi i tij është djegur, sipas Seulit.
Kufiri në mes të dy Koreve është tejet i kontrolluar dhe Koreja Veriore besohet të ketë zbatuar politikën “të shtëna për vdekje”, me qëllim të parandalimit të përhapjes së koronavirusit në këtë shtet.
Sipas një zyrtari, ndjesa ka ardhur përmes një letre që i është dërguar presidentit Moon Jae-in, duke pranuar se incidenti nuk do të duhej të ndodhte.
Koreja Veriore ka bërë të ditura edhe detaje tjera të incidentit, duke thënë se, viktima është vrarë me 10 të shtëna.
/Burimi: REL/ GazetaReforma.com/
