Autori i dysdhuar për vrasjen e Shkëlzen Kastratit është arrestuar ditën e sotme nga policia, Në pranga ka rënë Albet Zaja, banues në Larushkë të Niklës. Operacioni për arrestimin e tij është zhvilluar pasidten e sotme në Nikël të FushKrujës, ku Zaja është arrestuar për t’u transportuar për në Drejtorinë e Policisë në Tiranë.
Mësohet se gjatë arrestimit Zaja ka qenë i armatosur dhe në shtëpi i është gjetur një armë e llojit ‘Glock’, me fishek dhe gati për të gjuajtur. Pas arrestimit të Zajës kanë mbetur edhe tre persona të tjerë të shpallur në kërkim për vrasjen e Kastratit në 1 shkurt. Në kërkim janë : Elmir Tufa, 29 vjeç; Elson Xheçuka, 27 vjeç, banues në Kamzë dhe Silvio alias Roland Cara, 39 vjeç, banues në Tiranë.
Ata akuzohen se janë pjesë e një grupi vrasësish me pagesë dhe janë paguar për ta ndjekur viktimën për 2 muaj, deri në ekzekutimin e tij.
Ngjarja ndodhi në 1 shkurt në të dalë të Fierit në vendin e njohur si “Rotondoja e Sheqit”. Më vonë policia gjeti një mjet ”Land Rover” me targa greke të djegur në afërsi të vendit të ngjarjes,që ndihmoi në zbulimin e autorëve. Nga ana tjetër u sekuestrua dhe arma e përdorur, bashkë me një silenciator. Mendohet se ekzekutimi mafioz ndodhi për konflikte të vjetra që 42-vjeçari Kastrati mund të ketë pasur në të shkuarën.
