Nëna e autorit të krimit që vrau studenten shqiptare Ilaria Sula është arrestuar për bashkëpunim në fshehjen e trupit.
Pas disa orësh pyetje në komisariat, Nors Man Lapaz pranoi se kishte ndihmuar djalin e saj, 23-vjeçarin, të pastronte shtëpinë dhe të fshinte gjurmët e krimit.
Mediat italiane raportojnë se nëna e Mark Antony Samson, autori i krimit, ka rrëfyer se kishte luajtur një rol aktiv pas ngjarjes.
Ajo ndodhej në shtëpi kur djali i saj e qëlloi me thikë 3 herë Ilarian, me të cilën kishte pasur një lidhje të shkurtër romantike.
Sipas urdhrit të arrestimit, gjyqtari thekson se Samsoni veproi ftohtë dhe pa ndjeshmëri, duke sulmuar brutalisht vajzën, e cila kishte besim tek ai.
Hetuesit kanë pasur dyshime të forta për rolin e nënës, pasi prova faktike, si qelizat telefonike që e vendosin atë në zonën e shtëpisë në Homs, tregojnë se ajo ka qenë e pranishme në vendngjarje.
Logjikisht, hetuesit besuan se Samsoni nuk ka vepruar vetëm, siç kishte pretenduar gjatë pyetjes.
23-vjeçari shpjegoi se krimi ndodhi rreth orës 11:00 të mëngjesit, pasi lexoi një mesazh në celularin e Ilarisë nga një djalë tjetër.
Ai e goditi me thikë në qafë, duke shkaktuar një hemorragji të rëndë. Pas krimit, dyshohet se ai ka tërhequr trupin e saj me valixhe deri në makinë dhe e ka hedhur në zonën e Polit rreth orës 14:00.
Në hetim ndodhet edhe babai i djalit, i cili nuk ishte në shtëpi gjatë kohës që ndodhi krimi. Avokati mbrojtës ka kërkuar falje në emër të familjes për ngjarjen tragjike që i mori jetën studentes shqiptare.
