Vrasja e dyfishtë në Rrëshen, policia ofron 5 milion lekë për këdo që jep informacion për vendodhjen e autorit të dyshuar

Google+ Pinterest LinkedIn Tumblr +

Një ngjarje e rëndë u regjistrua mbrëmjen e djeshme në Kodër-Rrëshen.

Motër e vëlla, Esmeralda dhe Vledison Filopati, u ekzekutuan në oborrin e shtëpisë.

I dyshuari kryesor për krimin e dyfishtë është Fatmir Kolecaj, ish-bashkëshorti i Esmeraldës.

Kolecaj kishte një vit që kishte dalë nga burgu, pasi ishte denoncuar nga ish-bashkëshortja për dhunë.

Mësohet se çifti kishte edhe 3 fëmijë, të cilët tashmë mbetën pa nënën e tyre.

Që prej mbrëmjes së djeshme, policia dhe RENEA kanë bllokuar Mirditën dhe po punojnë për kapjen e autorit të dyshuar.

Gjithashtu policia ka vënë në dispozicion një shpërblim prej 5 milion lekësh, për këdo që jep informacion të saktë mbi vendodhjen e 47-vjeçarit.

Njoftimi i policisë

DVP Lezhë

Vijon krehja e zonës për lokalizimin, kapjen dhe arrestimin e autorit të dyshuar të vrasjes së dyfishtë të ndodhur mbrëmjen e djeshme, në Kodër Rrëshen.

Forcat RENEA, FNSH dhe strukturat e Drejtorisë Vendore të Policisë Lezhë kanë vijuar pa ndërprerë kontrollin e territorit dhe të vendeve të dyshuara ku mund të fshihej autori i dyshuar i ngjarjes.

Ndërkohë, grupi hetimor, nën drejtimin e prokurorisë ka kryer të gjitha veprimet procedurale dhe dokumentimin e ngjarjes.

Për të bërë të mundur kapjen sa më parë të autorit të dyshuar të kësaj ngjarjeje, Drejtoria Vendore e Policisë Lezhë vë në dispozicion 5 milion lekë për këdo që jep informacion të saktë mbi vendndodhjen e autorit.

Cilido që disponon informacion të vlefshëm për autorin e dyshuar, shtetasin Fatmir Kolecaj, 47 vjeç, banues në fshatin Zejmen, Lezhë, të telefonojnë në numrin 069 41 06 449 dhe në numrin pa pagesë 112 apo në Komisariatin Dixhital, duke i siguruar anonimat të plotë dhe të sigurt.

Shpërndaje
Share.

Komento