Një ngjarje e rëndë ka tronditur qytetin e Durrësit më herët mbrëmjen e sotme, ku dy persona u vranë me armë zjarri.
Viktimat kanë qenë duke lëvizur më këmbë kur janë qëlluar nga disa persona që ndodheshin në një makinë.
Të ekzekutuarit janë Anxhelo Avdia dhe Dorian Shkoza, ky i fundit mësohet se ka qenë i dënuar me 8 vite burg për trafik droge dhe është liruar në 2010.
Ngjarja ka ndodhur pranë tregut të fruta-perimeve në lagjen 14, Durrës, teksa policia ka rrethuar zonën dhe ka vendosur postblloqe në pikat kryesore të qytetit.
Së fundmi, një makinë tip “Mercedez Benz” është gjetur e djegur në zonën e njohur si Bishti i Zhurit në Rrogozhinë.
Makina dyshohet se i përket autorëve të vrasjes së dyfishtë, të cilët më pas e kanë braktisur për të mos lënë gjurmë.
Automjeti ka targën AA 639 ZE që rezulton se i është vjedhur shtetasit me iniciale R.L.
Ata nuk janë identifikuar ende, megjithatë policia po vijon punën për kapjen e tyre.
Ndërkohë, pistat që policia ka ngritur janë: përfshirja në trafikun e drogës, prishje e pazareve të drogës, ose ndonjë konflikt i mëparshëm mes viktimave dhe autorëve.
