Një 26 vjeçar, i identifikuar si Luigi Mangione është arrestuar në një ‘McDonald’s në Pensilvani si i përfshirë në vrasjen e Brian Thompson, CEO i kompanisë së sigurimeve shëndetësore United Healthcare, pasi një klient pa ngjashmëri mes fotove të pubikuara dhe personit të dyshuar që kishte aty pranë.
Kur policia mbërriti, Luigi Mangione u tregoi atyre një patentë shoferi të falsifikuar në New Jersey me emrin Mark Rosario.
Gjatë kontrollit në çantën e shpinës së tij iu gjet një armë me një karikator Glock të mbushur me gjashtë fishekë xhaketë të plotë metalike prej nëntë milimetrash”, si dhe një “rrathë të lirshme me pikë të zbrazët nëntë milimetra”, thuhet në ankesë.
Pistoleta shoqërohej gjithashtu me një rrëshqitje metalike dhe dorezë plastike me tytë me fileto metalike”.
Ai filloi të dridhej kur një oficer e pyeti nëse kishte qenë në Nju Jork kohët e fundit dhe në momentin kur iu tha se do të arrestohej nëse gënjente, ai tregoi emrin e tij të vërtetë, sipas dokumenteve të gjykatës.
Prokurorët thanë se ai mbante gjithashtu një pasaportë amerikane dhe 10.000 dollarë para cash.
Luigi Mangione ka përfunduar shkollën e mesme në Gilman School, një institucion privat për djem në Baltimore, Maryland, ku u dallua si valedictorian i klasës së vitit 2016. Ai vazhdoi studimet e larta në Universitetin e Pensilvanisë, ku përfundoi programet bachelor dhe master në shkenca kompjuterike deri në vitin 2020. Gjatë kohës në universitet, Mangione ka shërbyer si asistent mësimdhënës dhe ka themeluar një klub për zhvillimin e lojërave video.
Përveç arritjeve akademike, Mangione vjen nga një familje e pasur dhe e njohur në Maryland, e cila zotëron disa prona dhe klube golfi. Ai ka lidhje familjare me politikën, pasi është kushëri i ligjvënësit të shtetit, Nino Mangione.
