Vrasja e biznesmenit të ndërtimit, pallati që u bë “mollë sherri”

Google+ Pinterest LinkedIn Tumblr +

Ky pallat është prona për të cilën ka pasur konflikt mes biznesmenit Niko Goro dhe Kliti Lekës. Autori ka deklaruar se Goro ka ndërtuar një pallat në pronën e kushëririt të tij dhe i detyrohej për këtë një shumë parash që nuk po ia paguante.

Paraprakisht, pista kryesore e hetimit dyshohet të jenë konfliktet për shkak të aktivitetit të tij si biznesmen në fushën e ndërtimit, megjithatë policia ka bërë shoqërimet e para dhe po këqyren kamerat e sigurisë në zonë.

Goro ishte pronar i një bari dhe një hoteli të njohur në Himarë, ndërsa kishte në ndërtim e sipër një tjetër objekt në zonë, që paraqitet në foto.

Ndërkaq, policia pas kapjes së autorit te vrasjes së Goros dhe plagosjes së motrës së tij, njoftoi se  “Në lidhje me informacionin e dhënë për kapjen e autorit të vrasjes në Himarë si dhe për gjetjen e armës kallashnikov, ju informojmë se: Shërbimet e Policisë gjatë kontrollit të automjetit kanë gjetur dhe një tjetër  armë zjarri  të tipit pistoletë, e cila është sekuestruar në cilësinë e provës materiale. Grupi hetimor nën drejtimin e Prokurorisë po punon për sqarimin e rrethanave të ngjarjes”.

Goro oishte djalë i xhaxhait të kryebashkiakut të Himarës, Jorgo Goro dhe mik i deputetit Damian Gjiknurit.

GazetaReforma.com

 

Shpërndaje
Share.

Komento