4 autorët e dyshuar për vrasjen e biznesmenit nga Lezha, Ardian Niklaj, do të ekstradohen drejt Shqipërisë. Ky është vendimi që ka marrë këtë të martë gjykata “City of Westminster Magistrate Court”, duke e gjetur të drejtë kërkesën e shtetit shqiptar për ekstradimin e Edmond Haxhisë, Thomas Mithan, Harry Simpson the Harriet Bridgeman. Ndërkohë që për momentin është bllokuar ekstradimi për Steven Hant, pasi është diagnostikuar me kancer.
Edmond Haxhia, akuzohet nga Prokuroria e Lezhës se është personi që ka organizuar atentatin ndaj Ardian Nikulajt, për shkak të një zinxhiri hasmërie ndërmjet dy fiseve që ka shkaktuar disa të vrarë. Ndërkohë që për katër britanikët e tjerë, që janë vënë në pranga, Prokuroria ka dyshime se ata kanë mbajtur nën vëzhgim viktimën, duke u shtirur si turistë në hotelin që ishte në pronësi te tij në zonën e Shëngjinit. Më pas ata këto informacione ia çonin portugezit Ruben Saraiva, i cili dyshohet se e goditi për vdekje me 6 plumba Nikilajn.
Ruben Saraiva u esktradua nga Maroku në Shqipëri në 31 dhjetor 2023, pasi u vendosur në pranga në muajin maj në vendlindjen e tij, disa javë pas vrasjes së kreu në Lezhë.
Vendimi i Gjykatës së Londrës, vjen pas një letër garancie lëshuar nga kryeprokurori i Lezhës Erion Shehaj e më pas mori firmën e ministrit të drejtësisë Ulsi Manja.
Në letër garanci thuhet se Edmond Haxhia nuk do të akuzohet për vrasje për shkak të gjakmarrjes vepër penale e cila dënohet me 30 vite burg deri burg përjetë. Me të gjitha gjasat pala mbrojtëse e Edmond Haxhisë dhe katër britanikëve do ta apelojnë vendimin e sotëm në Gjykatën e Lartë Royal Court of Justice.
Vrasja e Nikulajt pasoi disa ngjarje të tjera kriminale, të cilat janë ende pa autor. Në korrik të vitit 2023 në Balldre të Lezhës u ekzekutua Nikolin Lekstakaj, ndërsa më 4 dhjetor të po atij viti, u ekzekutua me breshëri plumbash Etjan Nikulaj, djali i xhaxhait të Ardian Nikulaj, teksa po lëvizte me automjetin e tij fuoristradë ML në aksin rrugor Lezhë-Milot. Pista kryesore e hetimeve të këtyre ngjarjeve është ajo e gjakmarrjes mes fiseve Nikulaj dhe Lekstakaj. Rindezja e konfliktit mes 2 fiseve përkon me vrasjen e Ardian Nikulajt u ekzekutua brenda lokalit të tij në Shëngjin të Lezhës, kur portugezi Saraiva, me skafandër në kokë dhe i veshur me jelekë kamuflazhi, hyri dhe qëlloi disa herë me pistoletë duke e lënë të vdekur në vend.
