Klodiana Lala ka komentuar ngjarjen tragjike ku një nxënës 14-vjeçar humbi jetën pas një sulmi me thikë.
Ajo theksoi se nxënësit, pas shtyrjes së parë të premten dhe një debati të dytë brenda shkollës agravoi duke shkaktuar një viktimë dhe një të plagosur.
Një oficer policie që është marrë me hetimin e ngjarjes sot më tregoi se nxënësit kanë debatuar të premten, janë shtyrë. Kanë debatuar me njëri-tjetrin sot, i ka thirrur oficeri i sigurisë dhe kanë thënë jemi sqaruar. Nuk duhej të ishin lejuar të dilnin, duhej të thirreshin prindërit, në mënyrë që ky konflikt të mos degradonte”, tha Lala
Ajo kritikoi institucionet për mospërmirsimin e sigurisë në shkolla, duke vënë në dukje që paketa për sigurinë e shkollave ishte lënë pas dore.
Dhe theksoi se në rastin konkret, ndërhyrja në kohë mund të kishte parandaluar agravimin e situatës, që përfundoi tragjikisht me një viktimë dhe një të plagosur.
Lala gjithashtu bëri thirrje për vigjilencë ndaj problemeve që nisin shpesh nga rrjetet sociale dhe që mund të përfundojnë në aktet më të rënda të dhunës. Ajo shprehu shqetësimin se këto raste janë të përditshme dhe kërkoi një reagim më të shpejtë dhe efektiv nga autoritetet për të parandaluar tragjedi të tilla.
