Shtetasi Aleksandër Mëhilli është arrestuar si bashkëpunëtor në vrasjen e shtetasit Valter Fierza, e ndodhur në shtator 2023, në fshatin Hot i Ri, Shkodër.
Ai ishte shpallur në kërkim dhe u kap nga shërbimet e Forcës së Posaçme “Shqiponja” pas inteligjencës policore, kur po qarkullonte me automjet në fshatin Dobraç.
Gjykata e Shkallës së Parë të Shkodrës caktoi masën e sigurisë “Arrest në burg” për Mëhillin, i cili akuzohet për “Moskallëzimin e krimit”, “Përkrahjen e autorit të krimit” dhe “Prodhimin dhe shitjen e narkotikëve”.
Vrasja e Valter Fierzës ndodhi pas një konflikti të çastit jashtë një lokali, ku ai u qëllua me armë zjarri. Gjatë arrestimit, Mëhilli u gjet me një thikë, e cila u sekuestrua si provë materiale.
Materialet procedurale janë dërguar në Prokurori për veprime të mëtejshme.
