Kanë kaluar gati dy muaj nga vrasja që tronditi Greqinë, ku piloti grek vrau në sy të foshnjës 20 vjeçaren britanike, Caroline në Glyka Nera të Greqisë.
Prindërit e 20-vjeçaeres Caroline, duan të dinë shkaqet që dërguan në vrasjen e vajzës së tyre.
Sipas mediave greke prindërit e vajzës, nuk janë aspak të bindur nga rrëfimi i pilotit. Ata nuk mendojnë që e gjitha ka lindur nga një konflikt i çastit mes tyre. Më 15 korrik, pritet që prokurori të marrë përsipër çështjen dhe të kërkojë të dhënat e llogarisë bankare të pilotit, për të parë dhe të gjitha depozitat e tij.
Aktualisht, piloti grek Babis, po mbahet në zonën vip të burgut Kordallos. Kujtojmë se vrasja e rëndë ka ndodhur në muajin maj. Fillimisht piloti inskenoi të gjithë ngjarjen, duke pretenduar se vrasjen e kishte kryer një grup grabitësish.
Për 37 ditë me radhë, policia besoi këtë version, por hetimet, nxorën në pah diçka tjetër. Kamerat e shtëpisë, por edhe ora biometrike që Caroline mbante në duar, tregonte tjetër gjë nga rrëfimi i pilotit. Më pas ai rrëfeu të gjithë vrasjen dhe vijimi i historisë dihet.
Kujtojmë se kujdestaria e vajzës së vogël i kaloi prindërve të Carolines dhe në një deklaratë për mediat pak ditë më parë Susan dhe David Crouch, kanë thënë në një se e gjithë mendja e tyre tanimë është të kujdesën për mbesën e tyre, duke shtuar, se dëshirojnë që piloti të marrë dënimin që meriton.
“Si Susan dhe unë do të kalojmë pjesën tjetër të jetës tonë duke u siguruar që të bëhet drejtësi që vajza e saj e vogël, Lidia, do të të rritemi me ato që mund t’i japim dhe se kujtimi i nënës së saj do të jetojë përgjithmonë ”.
