Janë zbuluar detaje të reja nga hetimet për vrasjen e 14-vjeçarit Martin Cani. \
Grupi hetimor është rikthyer në vendngjarje ditën e djeshme dhe ka sekuestruar kamerat e sigurisë nga zona përreth, ku dyshohet se autori është larguar me vrap së bashku me shokët dhe kushërinjtë e tij.
Kamerat janë konfiskuar pasi ka dyshime se disa persona të tjerë mund të kenë ndihmuar autorin për t’u larguar nga vendi i ngjarjes.
Vrasja ndodhi 200 metra larg shkollës 9-vjeçare “Fan Noli”, pas një konflikti mes adoleshentëve. Ngjarja solli vdekjen e Martin Canit dhe plagosjen e shokut të tij, duke ngritur alarmin për sigurinë në shkolla.
