Komisioni Qendror i Zgjedhjeve ka njoftuar se ka përfunduar numërimi dhe vlerësimi i fletëve të votimit të ardhura nga jashtë vendit (Greqi) për subjektet zgjedhore në gjashtë qarqe: Kukës, Durrës, Tiranë, Shkodër, Dibër dhe Lezhë.
Ndërkohë, procesi vijon për qarqet e mbetura: Korçë, Gjirokastër, Vlorë, Elbasan dhe Berat.
Në njoftimin e fundit, KQZ bën të ditur se ka nisur edhe numërimi dhe vlerësimi i votave të emigrantëve për kandidatët me votim preferencial (listat e hapura) në qarqet Durrës, Tiranë, Shkodër, Fier, Lezhë dhe Dibër.
Sa i takon qarkut Kukës, ky proces është përmbyllur si për subjektet zgjedhore, ashtu edhe për kandidatët me votim preferencial.
