Sot përfundon afati i regjistrimit të emigrantëve për pjesëmarrjen në zgjedhjet parlamentare të 11 majit 2025.
Sipas të dhënave të Komisionit Qendror të Zgjedhjeve (KQZ), deri më tani janë dorëzuar 284,114 kërkesa për regjistrim, nga të cilat 225,797 janë miratuar, ndërsa 42,009 janë refuzuar.
Shqiptarët me numrin më të madh të aplikimeve janë ata që jetojnë në Itali, me 142,895 kërkesa (40.5%), të ndjekur nga ata në Greqi me 100,187 (28.4%) dhe Gjermani me 35,331 (10.0%).
Ndërkohë, ditën e djeshme u miratua shtyrja e afatit të regjistrimit në platformën PER, por vetëm për shtetasit shqiptarë që kanë aplikuar brenda afatit dhe janë refuzuar.
Kjo masë u mor për t’u dhënë mundësinë atyre që kanë shprehur vullnetin për t’u regjistruar, por për arsye të ndryshme nuk kanë plotësuar kriteret, të korrigjojnë mangësitë dhe të finalizojnë regjistrimin e tyre.
Numri i tyre është i konsiderueshëm (42,000), dhe fakti që ata kanë tashmë një llogari aktive në sistem lehtëson procesin e riaplikimit.
