Deputetja e zgjedhur e Partisë Demokratike, Albana Vokshi ka folur rreth fitores së Lulzim Bashës në zgjedhjet Brenda Partisë Demokratike, duke thënë se si anëtare kryese është e kënaqëur se 55% e listës së anëtarësisë që morën pjesë në zgjehdje, kanë ardhur pas 25 prillit.
E ftuar në emisionin “me Xhaxhiun”, Vokshi tha se shumë demokratë janë të zemëruar me komshinjtë e tyre, pasi shitën votën dhe prej tyre PD mbeti në opozitë.
Ajo tha se pjesëmarrja ishte shumë e madhe dhe rreth 80% e tyre votuan lulzim Bashën.
“E para që mua më ka kënaqur si anëtare e Kryesisë është se 55% listës së anëtarësisë morën pjesë në zgjedhje, vetëm rreth një muaj pas 25 Prillit. Ka shumë demokratë që janë të zemëruar pasi komshinjtë e tyre kanë shitur votën dhe prej tyre mbeten në opozitë.
Megjithatë ata dëshmuan se Partia Demokratike mbetet prapë e fortë dhe di të ringrihet. Pjesëmarrja ishte shumë e madhe, edhe meraku ishte shumë i madh se ata nuk do dilnin në votime, por rreth 80% prej tyre votuan Lulzim Bashën.
Sigurisht do ketë ndryshime, do ketë analizë të thelluar për çdo seksion.
Unë personalisht do bëj një analizë në degët që kam drejtuar. Në fakt, në fakt kam filluar ta bëj edhe vetë.
622 mijë të konfirmuara shto dhe 50 mijë vota të devijuara nga vendimi i KAS për fletën e votimit me numra, 672 mijë qytetarë i besuan Partisë Demokratike dhe Aleancës për ndryshim. Ka pas frymë”, tha Vokshi.
