Albana Vokshi ditën e sotme ka folur lidhur me zgjedhjet që u zhvilluan brenda Partisë Demokratike, ku fitues u shpall Lulzim Basha. E ftuar ditën e sotme në emisionin “Breaking”, Vokshi tha se 13 qershori ishte një datë shumë e rëndësishme pasi në Partinë Demokratike ka garë dhe konkurrencë. Besimi që i dhanë Bashës 80% e anëtarëve të partisë konfirmoi se tashmë do të ketë betejë elektorale. Ndër të tjera Vokshi ka shtuar se nuk ka ankesa zyrtare dhe nëse ka pretendime të ankimohen në komision. Ajo ka komentuar edhe shkarkimin e Presidentit Meta nga Kuvendi, ku ka thënë se shkarkimi i intereson vetëm Ramës, pasi sipas saj do të kapi edhe Presidencën.
“Nuk kemi ankesa zyrtare, nëse ka pretendime të ankimohen në komision. Data 13 ishte shumë e rëndësishme pasi në partinë demokratike ka garë dhe konkurencë. Fakti se 80% e demokratëve votuan Lulzim Bashën çon në faktin se ai tashmë do ketë një betejë të forte elektorale dhe se demokratët e besojnë atë.. Partia demokratike ka primare bërjen transparence masakrën e 25 prillit, janë evidentuar shkeljet e njëpasnjëshme. Unë personalisht po merrem me databazën e patronazhistëve dhe në garë nuk kisha përballë Manastarliun por administratën e ministries së shëndetësisë. Vendimi për shkarkimin e Metës i shërben vetëm Edi Ramës i cili do të kapë dhe presidencën. Ne nuk e njohim rezultatin e zgjedhjeve të 25 prillit,” tha Vokshi.
