Deputetja e Partisë Demokratike, Albana Vokshi me anë të një postimi në rrjetet sociale ka deklaruar se kryeministri Edi Rama ka urdhëruar rikthimin në parlament të paketës anti-shpifje.
Vokshi thotë se Rama po provon çdo ditë e më shumë se ka forcuar kontrollin absolut mbi median sipas saj. Më tej ajo ka thënë se Rama po e bënë këtë për të qeverisur i qetë mes krizash të sajuara dhe për të marrë edhe qindarkën e fundit nga buxheti i shtetit. Në postimin e saj Albana Vokshi ka publikuar mes të tjerash edhe reagimin e europarlamentarit David Lega, i cili ka ngritur shqetësimin e tij për rikthimin e ligjit “anti-shpifje”.
Reagimi i plotë i Albana Vokshit
Për fjalën e lirë!
Censori i gazetarisë në Shqipëri, Edi Rama ka urdhëruar rikthimin në parlament të paketës anti-shpifje, të kritikuar me forcë nga të gjitha institucionet europiane dhe organizatat ndërkombëtare të medias.
Edi Rama po provon çdo ditë se e ka forcuar kontrollin absolut mbi median për të qeverisur i qetë mes krizash të sajuara e për të vjedhur edhe qindarkën e fundit në buxhetin e shtetit.
Europarlamentari David Lega ngre shqetësimet e tij për rikthimin e paketës “antishpifje” për shqyrtim në kuvend pa marrë në konsideratë rekomandimet e Komisionit të Venecias.
#liriaefjalës
#liriaeshtypit
#kundërpaketëssëcensurës
