Kandidatja për Kryeministre e LDK-së, Vjosa Osmani, është përplasur me krerët e partisë rreth mënyrës se si kanë vendosur t’i ndajnë ministritë.
Osmani kishte kërkuar postin e Ministres së Punëve të Brendshme dhe atë të Zëvendëskryeministres. Mirëpo, kjo gjë nuk ka ndodhur për shkak se Isa Mustafa ka zgjedhur Agim Veliun.
Ajo i ka paralajmëruar në orët e pasdites se nuk e pranon pozitën e Kryetares së Kuvendit.
Ndërkohë, kur kishte përfunduar procesi elektoral, zyrtarët e LDK-së thanë se Vjosa Osmani do të zgjedhë se ku dëshiron të shkojë në pozitat insitucionale.
Mirëpo, për shkak të zhvillimeve të fundit, duket që ky premtim nuk është mbajtur, raporton gazeta Express.
