Vjedhja e të dhënave nga sistemi TIMS ishte një skandal i madh, nga i cili askush nuk mbajti përgjegjës. Gazetari Osman Stafa ka denoncuar me emra personat e përfshirë në vjedhjen e këtyre të dhënave nga TIMS-i. Sipas gazetarit në krye të procesit është Ervin Muça, drejtor i IT në policinë e shtetit, i cili ka qenë iniciatori. Ky denoncim i gazetarit hedh hije dyshimi që ato të cilët paguehen me taksat e shqiptarëve, për ti mbrojtur të dhënat, janë ato që ua vjedhin dhe keqpërdorin. Stafa e çon skandalin dhe më thellë, pasi shprehet se në krimin e rëndë janë përfshirë dhe punonjës të një kompanie private, ndërkohë që qeveria po mundohet të mbyllë skandalin.
Denoncimi i plotë
Të dhënat personale të qytetarëve shqiptarë janë vjedhur. Ky skandal duhet të kishte marrë dhenë dhe duhet të kishte vënë në alarm Shtetin shqiptar. Por nuk ndodhi. Ky është një skandal i madh pasi më rezulton se këto të dhëna janë vjedhur nga brënda sistemit dhe konkretisht nga një proçes i iniciuar dhe drejtuar nga Drejtori i Departamentit të Teknologjisë dhe Informacionit, Ervin Muça, i emëruar në këtë post në muajt e fundit. Se pse e ndërmori ai këtë akt, duhet ta hetojë Prokuroria.
