Shefja e Departamentit të Sëmundjeve Infektive, Silva Bino është shprehur në një intervistë në “News 24” se virusi ende nuk është larguar nga vendi dhe se njerëzit duhet të respektojnë masat.
Sipas saj, piku i koronavirusit është larguar, ndaj edhe kemi raste të kufizuara të infektuarish.
Sa i përket protestave për shembjen e Teatrit, Bino tha se nuk donte të merrej me politikë, por do priten dy javë për të parë impaktin që do kenë grumbullimet në fjalë.
“Vendi ynë e ka kaluar pikun epidemik.
Kemi raste të kufizuara, kemi qarkullim të virusit pavarësisht se jo i dendur.
Hapja gjatë javës është e rëndësishme për aktivitetet e biznesit që lidhen me punën dhe fundjava bëhet për të kufizuar kontaktin distancimin, është një masë e rëndësishme e cila na lehtëson.
Në fundjavë ne kufizojmë distancimin social. Situata është në monitorim të vazhdueshëm, njerëzit duhet të jenë të përgjegjshëm, duhet të bëjnë kujdes”, u shpreh ajo.
