Një virus i ri është shfaqur në Kinë dhe ka prekur deri më tani rreth 1700 persona.
Së fundmi, mjekët bëjnë me dije se vendi ynë nuk është i rrezikuar nga ky virus.
Megjithatë, mjekët këshillojnë të bëhet kujdes ndaj disa simptomave, që nuk duhen anashkaluar.
Virusi shkakton shenja klasike, si rufë dhe insuficiencë respiratore të rëndë.
Shqetësues mbetet vetëm fakti që në vendin tonë jetojnë kinezë nga zona e Vuan, ku është shfaqur ky virus.
Por, mjekët pohojnë se kjo sëmundje ka patur më shumë një transmetim nga kafshët tek njeriu dhe më pak nga njeriu tek njeriu.
Në këtë periudhë ndodhemi në një situatë gripale dhe mjekët bëjnë thirrje që të tregohet sa më shumë kujdes dhe të respektohen kushtet e higjenës.
